INNI fasteignasala s. 580 7905 -  [email protected]
 

Reisulegt einbýlishús á tveimur hæðum á Vopnafirði.
Gengið inn í flísalagaða forstofu, á hægri hönd er önnur forstofa sem er í dag nýtt sem þvottahús. Gangur er flísalagður. Á vinstri hönd er stofa og borðstofa með plastparketi og gluggum sem snúa til suðurs og vesturs. Úr stofu er gengið inní flísalagt eldhús. Vifta í eldhúsi, AEG spanhellur og ofn. Innaf eldhúsi er búr með neðri skápum. Þrefaldur fataskápur er innst á ganginum ásamt litlu salerni með handlaug.
Innangengt er í bílskúrinn úr íbúð. Mikil lofthæð og gryfja. Steypt málað gólf ásamt niðurfalli. Rafmagnstafla, vaskur og hitakútur eru í bílskúr. 
Tréstigi upp á efri hæðina. Parketlagt rúmgott sjónvarpshol með panelklæðiningu og upptekið loft. Þrjú svefnherbergi eru á efri hæð, tvö þeirra með sama gólfefni og sjónvarpsholið, en eitt með nýlegra plastparketi. Tvö minni herbergi eru með tvöföldum fataskáp og kvist. Hjónaherbergið með gluggum til suðurs og hurð út á rúmgóðar steyptar svalir. Innaf hjónaherbergi er búið að stúka af lítið herbergi sem getur nýst sem fataherbergi, en auðvelt er að opna aftur og stækka herbergið.
Baðherbergið á efri hæð er flísalagt og rúmgott. Einn veggur panelklædur og einnig undir súð. Flísalagt í kringum baðkar, rafmagns handklæðaofn, tveir vaskar og ágætis innrétting. Sturtuklefi og salerni. 

Húsið er steypt með hraunuðum útveggjum og er efri hæðin öll undir súð. Mikið af þakgluggum og 4 kvistar eru á efri hæð til að hleypa birtu inn. Húsið lítur ágætlega út að utan en þó þyrfti að mála gluggapósta og annað timburverk fljótlega . Hellulögð og steypt stétt við húsið og gott bílastæði bæði fyrir framan bílskúr og upp við húsið að norðanverðu þar sem hægt er að geyma t.d. hjólhýsi, kerru o.þ.h.