INNI fasteignasala s. 580 7905 -  [email protected]
 

Tækifæri í ferðaþjónustu - jörð í rekstri.
Jörðin Hrafnabjörg 4 og gistiheimilið Litlabjarg - selst saman eða í sitt hvoru lagi.

Hrafnabjörg 4
Jörð í c.a. 25 km fjarlægð frá þéttbýlinu á Egilsstöðum. Stórt íbúðarhús með tveimur íbúðum á efri og neðri hæð, vélageymsla (91,0 m²), fjárhús sem verið er að breyta í nautahús, fjós sem nýtt er sem hesthús og hlaða. Góðar veiðilendur bæði fyrir gæsa- og rjúpnaveiði. Þá tilheyrir jörðinni hlutur í tveimur laxveiðiám þ.e. Jökla og Laxá.
Ný borhola fyrir neysluvatn var tekin í notkun árið 2023, nýr sólpallur við húsið er byggður 2023 og gluggar á neðri hæð hafa verið endurnýjaðir. Ljósleiðari er komin inn í hús en ótengdur.
Heildarstærð jarðarinnar er líklega um og yfir 3800 ha. Stór hluti af því er í sameign með Hrafnabjörgum 1, 2 og 3 en á láglendi er séreign Hrafnabjarga 4, 188 hektarar.
Íbúðarhúsið skiptist eins og áður sagði tvær íbúðir á efri og neðri hæð, fjögur svefnherbergi á hvorri hæð, stór stofa/borðstofa, eldhús og baðherbergi á báðum hæðum. Eigendur jarðarinnar hafa sjálf búið á neðri hæð en leigt út herbergi í gistingu á efri hæð. Allt innbú efri hæðar sem tilheyrir ferðaþjónustunni fylgir með í kaupunum.
Íbúðarhúsið þarfnast orðið nokkuð mikils viðhalds og endurbóta. 
Með í kaupunum getur fylgt dráttavél, sláttuvél, haugsuga, rúlluvél og pökkunarvél. 

Litlabjarg - gistiheimili
Fullbúið gistiheimili á fallegum útsýnisstað á sérstakri lóð, örstutt frá Hrafnabjörgum 4. Húsið var byggt árið 2008. Allt innbú sem er í húsinu fylgir með í kaupunum. Ljósleiðari er komin inn í hús en ótengdur.
Húsið er klætt að utan með bárujárni. Stór timburverönd er við húsið og er veröndin yfirbyggð og með veggjum klæddum með plexigleri og eru stólar og borð í sólskálanum. Við verönd er tilbúið eldhús þar sem eigendur útbúa morgunmat og fleira sem selt hefur verið til gesta.
Þegar farið er inn í húsið er komið í fallega setustofu. Eldhús fyrir gesti er þar við hliðina og var það allt endurnýjað í febrúar 2024. Á herbergjagangi eru tvö baðherbergi, bæði með hita í gólfi. Fimm svefnherbergi eru í húsinu, öll með parket á gólfi. Þrjú herbergjanna eru tveggja manna, eitt er þriggja manna og eitt er fyrir fjóra, úr því herbergi er útgengt á litla timburverönd. 
Rétt ofan við húsið stendur gamalt útihús (óskráð) sem nýtist vel í eitt og annað. Húsið er óeinangrað og klætt með bárujárni fyrir utan þvottaaðstöðu sem hefur verið hólfuð af og einangruð í einu horni hússins.