INNI fasteignasala s. 580 7905 -  [email protected]
 

Einbýlishús, byggt 1929. Húsið stendur við Hafnargötu 40B á Seyðisfirði en er selt til flutnings þar sem húsið stendur á skilgreindu hættusvæði. Fastanúmer eignarinnar er 2168586. Húsinu tilheyrir bílskúr með sama fastanúmer en bílskúrinn verður ekki seldur með húsinu, eingöngu húsið er til sölu og selt til flutnings. Ný lóð býður hússins að Oddagötu 3, Seyðisfirði.

Húsið er eingöngu selt til niðurrifs og flutnings þar sem það stendur á hættusvæði vegna mögulegra ofanflóða. Kaupandi þarf því að kynna sér afar vel ástand hússins og möguleikann á að flytja húsið með tilliti til alls sem kann að skemmast/koma upp á við flutninginn. Áhætta við flutning er alfarið á kaupanda.

Eigandi hússins, Múlaþing, óskar eftir tilboðum í eignina og skulu tilboð hafa borist til INNI fasteignasölu í síðasta lagi kl.12:00, þriðjudaginn 15.júlí 2025 og verða tilboð að gilda a.m.k. til kl.12:00 miðvikudaginn 6.ágúst 2025.
Múlaþing áskilur sér rétt til að taka hvaða tilboði sem er eða hafna öllum. Múlaþing mun, ef þurfa þykir, kalla eftir frekari gögnum eftir opnun tilboða.

Kvaðir:
- Kaupandi skal sækja um og greiða fyrir byggingarheimild til niðurrifs á húsnæðinu á Hafnargötu 40B og fá staðfesta lokaúttekt byggingarfulltrúa innan 2 ára frá undirritun samnings þessa. Lóðin skal vera sléttuð og vel frá gengin.
- Kaupandi fær lóðina Oddagata 3 á Seyðisfirði úthlutaða fyrir húsið. Kaupandi skal hvorki greiða lóðarúthlutunargjald né gatnagerðargjald fyrir hana. Ákveði kaupandi að færa húsið á einhverja aðra lóð mun kaupandi greiða lóðarúthlutunargjald og gatnagerðargjald.
- Kaupandi skal sækja um flutning á húsnæðinu til tilskyldra aðila og hlýta öllum skilyrðum þar um.
- Kaupandi skal sækja um byggingarleyfi fyrir húsið að Oddagötu 3 og greiða fyrir það skv. gildandi gjaldskrá þess tíma. Kaupandi skuldbindur sig til að vera með húsið fullbúið og tilbúið til notkunar á nýrri lóð eigi síðar en þremur árum eftir að kaupsamningur er undirritaður og skal liggja fyrir staðfesting þess efnis í formi lokaúttektar frá byggingarfulltrúa Múlaþings.
- Ekki er heimilt að byggja stærri kjallara en þegar er undir húsnæðinu. Kaupandi skal kynna sér og fara eftir skilmálum meðfylgjandi lóðablaðs.
- Ekki er heimilt að byggja við eða stækka húsið.
- Kaupandi fær lóðaleigusamning til undirritunar vegna Oddagötu 3 þegar skilyrði þar um hafa verið uppfyllt skv. reglum um úthlutun lóða í Múlaþingi.
- Ef kaupandi stendur ekki tilgreind tímamörk hér að ofan fellur samningurinn úr gildi. Kostnaður vegna sölunnar mun dragast frá kaupverðinu án vaxta og verðbóta.
- Kaupandi er meðvitaður um að ástand hússins er mjög slæmt og líklega nokkur áhætta fólgin í því að flytja húsið, sú áhætta er alfarið kaupanda.